Events

ពិធី​រំលឹក​ខួប​ទិវា​នារី​អន្តរជាតិ ៨មីនា លើកទី​១០២
ពិធី​រំលឹក​ខួប​ទិវា​នារី​អន្តរជាតិ ៨មីនា លើកទី​១០២

នៅ​ក្នុង​ពិធី​អបអរ​សាទរ ខួប​លើក​ទី​១០២ ទិវា​នារី​អន្តរជាតិ អាជ្ញាធរ​សវនកម្ម​ជាតិ (អសជ) បាន​រៀបចំ​ពិធី​មួយ​នៅ​ឆ្នាំ​នេះ​ក្រោម​ប្រធាន​បទ៖ “សិទ្ធិ​ស្មើ​គ្នា ឱកាស​ស្មើ​គ្នា ដើម្បី​ពន្លឿន​កិច្ច​អភិវឌ្ឍន៍”។ លោកជំទាវ សោម គីមសួគ៌ អគ្គសវនករនៃ​អាជ្ញាធរ​សវនកម្ម​ជាតិ បាន​ធ្វើ​ជា​អធិបតី​ក្នុង​ពិធី​នេះ ព្រម​ទាំង​មាន​ស្ត្រី​ចំនួន ៥៩​រូប មក​ពី​អាជ្ញាធរ​សវនកម្ម​ជាតិ និង​គម្រោង GIZ គាំទ្រ​អាជ្ញាធរ​សវនកម្ម​ជាតិ បាន​ចូលរួម​ក្នុង​ពិធី​នេះ​ផង​ដែរ។

ការ​អភិវឌ្ឍន៍​ចំនេះដឹង​បច្ចេកទេស​ដើម្បី​ការ​អភិវឌ្ឍន៍​ស្ថានភាព​របស់​ស្ត្រី

លោកស្រី គួយ ឡាង តំណាង​ស្ត្រី នៃ​អាជ្ញាធរ​សវនកម្ម​ជាតិ បាន​ពាំនាំ​សារ​របស់​សម្តេច​ព្រះ​មហាក្សត្រី នរោត្តម មុនីនាថ សីហនុ។ នៅ​ឆ្នាំ​នេះ សារ​បាន​ផ្តោត​ទៅលើ​ការ​លើក​កំពស់​ចំនេះដឹង​បច្ចេកទេស​របស់​ស្ត្រី​ដើម្បី​ពង្រឹង​សិទ្ធិ​របស់​ពួក​គេ និង​បង្កើន​ឱកាស​អាជីព។ លោកស្រី គួយ ឡាង បាន​សង្ខេប​សកម្មភាព និង​លទ្ធផល​នៃ​ការងារ​របស់​ស្ត្រី​នៅ​ក្នុង​អាជ្ញាធរ​សវនកម្ម​ជាតិ។

លើស​ពី​នេះ​ទៀត លោកជំទាវ សោម គីមសួគ៌ អគ្គសវនករនៃ​អាជ្ញាធរ​សវនកម្ម​ជាតិ បាន​សង្កត់​ធ្ងន់​ថា ការ​សម្រេច​បាន​នូវ “សិទ្ធិ​ស្មើ​គ្នា ឱកាស​ស្មើ​គ្នា ដើម្បី​ពន្លឿន​កិច្ច​អភិវឌ្ឍន៍” តម្រូវ​ឱ្យ​មាន​ការ​លើក​កម្ពស់​សិទ្ធិ និង​ឱកាស​ដើម្បី​ចូលរួម​របស់​ស្ត្រី​ក្នុង​ការ​អភិវឌ្ឍន៍​ប្រទេស។ នេះ​ក៏​តម្រូវ​ឱ្យ​លើក​ទឹកចិត្ត​ដល់​ប្រជា​ពលរដ្ឋ​ទាំង​ពីរ​ភេទ​សំដែង និង​គាំទ្រ​យ៉ាង​ពេញ​ទំហឹង​ចំពោះ​សមធម៌​យេនឌ័រ។

ការ​ប្តេជ្ញា​ចិត្ត​របស់​រដ្ឋាភិបាល​ដើម្បី​កាត់​បន្ថយ​វិសមភាព​យេនឌ័រ

រដ្ឋ​ធម្មនុញ្ញ​ឆ្នាំ​១៩៩៣ ចែង​ថា “ប្រជាពលរដ្ឋ​ខ្មែរ​មាន​ភាព​ស្មើ​គ្នា​ចំពោះ​មុខ​ច្បាប់ និង​មាន​សិទ្ធិ​ចូល​រួម​យ៉ាង​សកម្ម​ក្នុង​ជីវភាព​នយោបាយ សេដ្ឋកិច្ច សង្គមកិច្ច និង​វប្បធម៌​របស់​ប្រទេស​ជាតិ។ នេះ​រួម​បញ្ចូល​ទាំង​សិទ្ធិ​ស្មើ​គ្នា​ក្នុង​អាពាហ៍​ពិពាហ៍ និង​គ្រួសារ ការ​ជ្រើស​រើស​មុខ​របរ​សមស្រប​តាម​សមត្ថភាព​របស់​ខ្លួន និង​សិទ្ធិ​ទទួល​បាន​បំណាច់​ស្មើ​គ្នា​ចំពោះ​ការងារ​ដូចគ្នា។ វា​ក៏​រួម​បញ្ចូល​ការ​ហាម​ឃាត់ និង​ការ​បំបាត់​ចោល​ការ​រើស​អើង​គ្រប់​ប្រភេទ ប្រឆាំង​នឹង​ស្ត្រី​ភេទ។ “

លើស​ពី​នេះ​ទៀត ផែនការ​យុទ្ធសាស្ត្រ​អភិវឌ្ឍន៍​ជាតិ និង​គោលដៅ​អភិវឌ្ឍន៍​សហស្សវត្សរ៍ (CMDG – Cambodia Millennium Development Goals) បាន​គូស​បញ្ជាក់​ពី​ការ​ប្តេជ្ញា​ចិត្ត​របស់​រដ្ឋាភិបាល​ក្នុង​ការ​កាត់​បន្ថយ​គម្លាត​យេនឌ័រ​នៅ​ក្នុង​វិស័យ​ទាំងអស់។

ជាក់​ស្តែង អង្គការ GIZ ក៏​បាន​អនុវត្ត​យុទ្ធសាស្ត្រ​បញ្ជ្រាប​យេនឌ័រ​ដើម្បី​ជួយ​គាំទ្រ​គំនិត​យេនឌ័រ​ក្នុង​ការងារ​របស់​ខ្លួន។ នេះ​ជាប់​ពាក់ព័ន្ធ​នឹង​ការ​គ្រប់គ្រង​ការ​អភិវឌ្ឍន៍ និង​ការ​វាយ​តំលៃ​ដំណើរការ​នៃ​ការ​សំរេច​ចិត្ត និង​ការ​វាយតម្លៃ​ទស្សន​យេនឌ័រ ខណៈពេល​នៃ​ការ​វាយ​តម្លៃ​ពី​ផល​ប៉ះពាល់​នៃ​អន្ដរាគមន៍​លើ​ជីវិត​របស់​ប្រជា​ពលរដ្ឋ​ទាំង​ពីរ​ភេទ។


Print
SHARE IN SOCIAL MEDIA AND EMAIL
Recent News

July 25, 2019

នៅព្រឹកថ្ងៃពុធ ៨ រោច ខែអាសាឍ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី២៤ ខែកក្កដា

March 8, 2019

ពិធីអបអរសាទរទិវាអន្តរជាតិនារី

នាថ្ងៃព្រហស្បតិ៍ ២កើត ខែផល្គុន ឆ្នាំច សំរឹទ្ធិស័ក ព.ស ២៥៦២ ត្រូវនឹង

January 12, 2018

នៅ​ព្រឹក​ថ្ងៃ​ព្រហស្បតិ៍ ១០រោច ខែបុស្ស ឆ្នាំរកា នព្វស័ក ព.ស២៥៦១ ត្រូវ​នឹង​ថ្ងៃទី១១

April 8, 2016

ពិធី​សូត្រ​មន្ត​លើក​រាសី

នា​ព្រឹក​ថ្ងៃ​ព្រហស្បតិ៍ ទី​០៧ ខែ​មេសា ឆ្នាំ​២០១៦ នៅ​សាល​ប្រជុំ​ផ្ទាល់​ដី​នៃ​អាជ្ញាធរ​សវនកម្ម​ជាតិ

March 8, 2016

ពិធី​រំលឹក​ខួប​ទិវា​នារី​អន្តរជាតិ

នា​ព្រឹក​ថ្ងៃទី​៧ ខែ​មីនា ឆ្នាំ​២០១៦ នៅ​សាល​ប្រជុំ​អាជ្ញាធរ​សវនកម្ម​ជាតិ