Events

ពិធី​ចូល​កាន់​តំណែង​ជា​ផ្លូវការរបស់​មន្ត្រី​ជាន់ខ្ពស់ នៃ​អាជ្ញាធរ​សវនកម្ម​ជាតិ
ពិធី​ចូល​កាន់​តំណែង​ជា​ផ្លូវការរបស់​មន្ត្រី​ជាន់ខ្ពស់ នៃ​អាជ្ញាធរ​សវនកម្ម​ជាតិ

កាល​ពី​រសៀល​ថ្ងៃទី២៦ ខែតុលា ឆ្នាំ២០១១ កន្លងទៅនេះ មន្ត្រី​ជាន់ខ្ពស់​របស់​អាជ្ញាធរ​សវនកម្ម​ជាតិ​នៃ​ព្រះ​រាជាណាចក្រ​កម្ពុជា​ ដែល​ទើប​តែ​តែងតាំង​ថ្មី​បាន​ចូល​មក​កាន់​តំណែង​ជា​ផ្លូវការ​នៅក្នុង​ពិធី​ ផ្ទេរ​តំណែង​អគ្គសវនករ អគ្គសវនកររង​នៅ​ឯ​អាជ្ញាធរ​សវនកម្ម​ជាតិ។

ពិធី​ផ្ទេរ​តំណែង​ថ្នាក់ដឹកនាំ​ជាន់ខ្ពស់​នេះ​ប្រព្រឹត្ត​ឡើង​ក្រោម​ អធិបតីភាព​ លោកជំទាវ ម៉ែន សំអន ឧបនាយករដ្ឋមន្ត្រី​ប្រចាំ​ការ តំណាង​ដ៏​ខ្ពង់ខ្ពស់​សម្តេច​អគ្គ​មហាសេនាបតី​តេជោ ហ៊ុន សែន នាយក​រដ្ឋមន្ត្រី

ការ​ផ្ទេរតំណែង​នេះ គឺ​ដើម្បី​បន្ត​ការងារ​ពីឯកឧត្តម អ៊ុត ឈនអគ្គសវនករ​ចាស់​បាន​បញ្ចប់​អាណត្តិ ជំនួស​ដោយ​លោកជំទាវ សោម គីមសួគ៌ ជា​អគ្គសវនករ​ថ្មី​ក្រោម​ការ​បោះឆ្នោត​សំដែង​ការ​ទុកចិត្ត​នៅ​រដ្ឋសភា​ជាតិ កាល​ពី​ថ្ងៃទី១៤ ខែតុលា ឆ្នាំ២០១១។ នៅក្នុង​ការ​បោះឆ្នោត​នោះ​ដែរ​ឯកឧត្តម ឆាយ គីមត្រូវ​បាន​បន្ត​តំណែង​ជា​អគ្គសវនកររង​សំរាប់​អាណត្តិ​ថ្មី និងឯកឧត្តម សួន សិទ្ធី ជា​អគ្គសវនកររង​ថ្មី ជំនួស​អោយឯកឧត្តម សេង រ៉ុន

ឆ្លៀត​ក្នុង​ឱកាស​នៃ​ការ​ផ្ទេរ​តំណែង​នោះ លោកជំទាវ ម៉ែន សំអនបាន​មាន​ប្រសាសន៍​ថា “ការ​ផ្ទេរ​តំណែង​នេះ​មិន​ត្រឹមតែ​បង្ហាញ​ពី​ការ​ប្តេជ្ញាចិត្ត​របស់​រាជ​ រដ្ឋាភិបាល​ប៉ុណ្ណោះ​ទេ តែ​នេះ​ជា​ការ​គោរព​ច្បាប់​ដើម្បី​ធ្វើ​អោយ​កម្ពុជា​ក្លាយ​ជា​នីតិរដ្ឋ”។ លោកជំទាវ​បាន​បន្ត​ថា អាជ្ញាធរ​សវនកម្ម​ជាតិ គឺ​ជា​អង្គភាព​ឯករាជ្យ​ក្នុង​កិច្ចប្រតិបត្តិការ​របស់​ខ្លួន​ពិត​ជា​មាន​ សារៈសំខាន់​យ៉ាង​ខ្លាំង​ក្នុង​ការ​ជំរុញ​កំណែ​ទំរង់​រដ្ឋបាល ពិសេស​ការ​ប្រឆាំង​នឹង​អំពើ​ពុករលួយ និង​រួម​ចំណែក​ជួយ​ជំរុញ​ការ​គ្រប់គ្រង​ហិរញ្ញវត្ថុ​សាធារណៈ​អោយ​បាន​កាន់​ តែ​សុក្រឹត្យ។ អាជ្ញាធរ​សវនកម្ម​ជាតិ គឺ​ជា​ស្ថាប័ន​សវនកម្ម​កំពូល​របស់​ព្រះ​រាជាណាចក្រ​កម្ពុជា​បាន​បង្កើត​ឡើង ​នៅ​ឆ្នាំ២០០១ ក្រោម​ច្បាប់​សវនកម្ម​នៃ​ព្រះ​រាជាណាចក្រ​កម្ពុជា​ដែល​ប្រកាស​អោយ​ប្រើ​ដោយ​ ព្រះ​រាជក្រម​លេខ ជស/រកម/០៣០០/១០ ចុះ​ថ្ងៃទី០៣ ខែមីនា ឆ្នាំ២០០០។

ក្រោម​កិច្ច​ខិតខំ​ប្រឹងប្រែង​របស់​ថ្នាក់ដឹកនាំ​នៃ​អាជ្ញាធរ​សវនកម្ម​ ជាតិ បច្ចុប្បន្ន​ស្ថាប័ន​សវនកម្ម​កំពូល​នេះ​បាន​ចូល​ជា​សមាជិក​របស់​អង្គការ​ ស្ថាប័ន​សវនកម្ម​កំពូល​នៃ​អង្គការ​អន្តរជាតិ (INTOSAI) និង​របស់​ស្ថាប័ន​សវនកម្ម​កំពូល​នៃ​អង្គការ​អាស៊ី (ASSOSAI)។


Print
SHARE IN SOCIAL MEDIA AND EMAIL
Recent News

July 25, 2019

នៅព្រឹកថ្ងៃពុធ ៨ រោច ខែអាសាឍ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី២៤ ខែកក្កដា

March 8, 2019

ពិធីអបអរសាទរទិវាអន្តរជាតិនារី

នាថ្ងៃព្រហស្បតិ៍ ២កើត ខែផល្គុន ឆ្នាំច សំរឹទ្ធិស័ក ព.ស ២៥៦២ ត្រូវនឹង

January 12, 2018

នៅ​ព្រឹក​ថ្ងៃ​ព្រហស្បតិ៍ ១០រោច ខែបុស្ស ឆ្នាំរកា នព្វស័ក ព.ស២៥៦១ ត្រូវ​នឹង​ថ្ងៃទី១១

April 8, 2016

ពិធី​សូត្រ​មន្ត​លើក​រាសី

នា​ព្រឹក​ថ្ងៃ​ព្រហស្បតិ៍ ទី​០៧ ខែ​មេសា ឆ្នាំ​២០១៦ នៅ​សាល​ប្រជុំ​ផ្ទាល់​ដី​នៃ​អាជ្ញាធរ​សវនកម្ម​ជាតិ

March 8, 2016

ពិធី​រំលឹក​ខួប​ទិវា​នារី​អន្តរជាតិ

នា​ព្រឹក​ថ្ងៃទី​៧ ខែ​មីនា ឆ្នាំ​២០១៦ នៅ​សាល​ប្រជុំ​អាជ្ញាធរ​សវនកម្ម​ជាតិ